ARXEOS — არქიტექტურული სტუდია ბათუმიდან

ARXEOS — არქიტექტურული სტუდია ბათუმიდან

არქიტექტურული სტუდია ARXEOS დაფუძნდა ბათუმში 2004 წელს გიორგი გაბაშვილის მიერ. დაფუძნების დღიდან სტუდიის საქმიანობაში მონაწილეობდნენ არქიტექტორები მერაბ პაპავა, მიხეილ კალანდაძე, ზაზა ძნელაძე, მამუკა შარაშიძე და თენგიზ ებრალიძე. სტუდიის მთავარი მიმართულებაა სამოქალაქო ობიექტების პროექტირება — საცხოვრებელი კომპლექსები, სასტუმროები, საზოგადოებრივი შენობები, კომერციული სივრცეები, სამრეწველო ობიექტები და ინდივიდუალური სახლები. ARXEOS-ის მიერ ბათუმში და საქართველოს სხვა ქალაქებში დაპროექტებულია, აშენებულია და მშენებლობის პროცესშია ათობით მნიშვნელოვანი ობიექტი. ჯამურად სტუდიის გამოცდილება მოიცავს 1.5 მილიონ მ²-ზე მეტ დაპროექტებულ სივრცეს და 300-ზე მეტ შესრულებულ პროექტს. ჩვენი მიდგომა ეფუძნება არქიტექტურული გადაწყვეტის მაღალ ხარისხს, მოქმედი ნორმებისა და სტანდარტების დაცვას, დამკვეთის საჭიროებების სწორ გააზრებას და პროექტის ყველა ეტაპზე პროფესიონალურ მართვას. მიდგომა ჩვენთვის არქიტექტურა მხოლოდ ფორმა არ არის. ეს არის სივრცის, ფუნქციის, კონსტრუქციის, გარემოსა და ადამიანის ურთიერთობა. ყოველ პროექტში ვცდილობთ შევქმნათ გადაწყვეტა, რომელიც ერთდროულად არის ესთეტიკური, პრაქტიკული, ტექნიკურად გამართული და რეალიზებისთვის მზად. პარტნიორები წლების განმავლობაში ARXEOS თანამშრომლობდა როგორც კერძო დამკვეთებთან, ასევე დეველოპერულ და სამშენებლო კომპანიებთან. პარტნიორებს შორის არიან DS Group, Real Palace, Gumbati Group, MJM Group, Chemi Sakhli, H Group Construction, ბათუმის მერია და სხვა ორგანიზაციები. ექსპედიციები და კვლევა სტუდია ხშირად აწყობს ექსპედიციებს საქართველოსა და საზღვარგარეთ არქიტექტურული მემკვიდრეობის შესასწავლად. ეს გამოცდილება გვეხმარება უკეთ გავიაზროთ ისტორიული გარემო, სივრცის ხასიათი, მასშტაბი და არქიტექტურული დეტალი. ჩატარებული ექსპედიციების მიმართულებები მოიცავს: სხალთას, ატენის სიონს, დავით გარეჯს, გელათს, კაბადოკიას, ყაზბეგს, კვეთერას, სიღნაღს, ტაო-კლარჯეთს, თუშეთს, უფლისციხეს და ვარძიას.